رمضان

هو رمضان هايخلص امتا ؟
:S

أنا كسبان

كنت مره قولت اني مش عارف اذا كنت خسران ولا كسبان , وقلت كده لكل اصحابي - كلهم اتريقوا عليا - .واما قولتلك انتي كده قولتيلي قيس انت عندك ايه ....وجالك ايه وانت تعرف اذا كنت بتخسر ولا بتكسب

لتولما قعدت مع نفسي وقيست انا عندي ايه وجالي ايه او انا عندي ايه ووصلت لايه لقيت نفسي باخسر , باخسر أوي
أنا ماعنديش حاجه ..وماوصلتش لحاجه

وساعتها قولت لكل الناس اني باخسر وزعلان جدا ومش عارف اضحك - كلهم اتريقوا عليا - وانتي ضحكتي وسنانك البيضا دي بانت وقلتيلي خلاص شوف صوري وانت تضحك

روحت جري وفتحت الكمبيوتر وقعدت أقلب في صورك , لحظه مع لحظه حسيت اني برتاح أكتر .... لحد آخر صوره
قومت طبعتها بالبرنتر وقعدت اتفرج على تفاصيل وشك فيها ..صدقيني ده كان أول يوم ارتاح فيه من فتره طويله أوي

وبقيت كل ما اتعب أدخل ابص على صورك وارتاح , ولما كنا بنتقابل , كنت برتاح اكتر لاني كمان هاسمع صوتك

ودلوقت وانتي هنا ..أقدر أشوفك وأسمع صوتك كل أما أحب ..مابقتش باتعب أصلا

عارفه , دلوقت لما باقيس انا عندي ايه ووصلت لايه بلاقي المعادله اتغيرت

انا عندي ( انتي ) وبكده وصلت ل(كل حاجه ) ..انا دلوقت باكسب ..أكيد باكسب

صبي الينا مزيدا

أول مره احس اني خايف م المستقبل ..الحاجه الوحيده اللي ماكنتش بخاف منها

أول مره احس ان ال6 شهور الجايين دول ..... أهم 6 شهور في حياتي

على حسب ايه اللي هايحصل في ال 6 شهور دول

انا هاعرف حياتي هايبقا شكلها ايه بعد كده

ياااااااارب ... انا محتاج اعمل اللي في دماغي

لأ مش في الضي

وبتحلف بارضه بايمانك ده العيب في الضي

لأ مش في الضي

من قصيدة مصوراتي .. ممدوح عبد الحميد زيكا

حلوه اوي

عادي يعني حلوه أوي وصحابها كتير فامش هاينفع اكلمها

خشي برجلك اليمين يا قطه خشي الليسته مليانه يا اما خشي ورانا مصالح الله يكرمك خشي

let's go

When things go wrong


When sadness fills your heart


When tears flow in your eyes


Always remember 3 things

1) I am with you

2) You have money

3) Bar is open, Lets go.

يارب

اللهم إني أشكوإليك ضعف قوتي وقلة حيلتي وهواني على الناس برحمتك يارب العالمين

، أنت رب المستضعفين وأنت ربي إلى من تكلني ؟ إلى بعيد يتجهمني ام إلى عدو ملكته

أمري ؟ إن لم يكن بك غضب علي فلا أبالي ، ولكن عافيتك أوسع لي من ذنوبي اسألك

بنور وجهك الذي اشرقت له الظلمات وصلح عليه أمر الدنيا والآخره من أن يحل بي

سخطك أو ينزل علي عذابك لك العتبى حتى ترضى ولا حول ولا قوة إلا بالله

رسمه

العنكبوت ماشي بيغزلك على الحيطه
والملامح دي تقريبا شبهك
والحيطه دي على فكره . بتاعتك
فياريت ما تحاولش تنكر
ان انت مجرد رسمه ع الحيطه
رسمها حتة عنكبوت

الضرب في الميت - كتاب مصري ساخر

أخيرا وبعد طول انتظار بجد ..أحمد الصباغ هاينزل في معرض الكتاب ان شاء الله
بكتاب
الضرب في الميت

واضح من الاسم انه يشد ومستني انه يكون كتاب ممتع
خصوصا ان احمد الصباغ من المدونين القليلين اللي مستمرين في ابداعهم الجميل ولاننا في حاجه للنوع ده من الادب الساخر .. بعد ما انتشر في الفتره الاخيره حاجات أٌقل من المستوى
اللهم الا قليل

عمر طاهر - اشرف توفيق - وغيرهم طبعا

اما دار المصري فاستمرارا لتقديمها حاجات مختلفه ومحترمه

وبعد كتاب الرائع مايكل محسن
وظيفه ما تمت

بتقدم لنا فرصه جديده للاستمتاع بالادب الساخر مع الساخر الموهوب احمد الصباغ

عموما

في انتظار معرض الكتاب بفارغ الصبر عشان الكتاب الرائع
الضرب في الميت - كتاب مصري ساخر - احمد الصباغ

---------------------
والكتاب ده على ضمانتي الشخصيه انه هايكون كتاب رائع ان شاء الله

لوحدك

غريبه بصاتك لاصحابك

وهم بيحكولك عن قد ايه الحياه صعبه

رغم انك عارف

ان كل واحد فيهم هايروح ينام في حضن واحده

وانت هاتروح تعيط ع المخده

يا عالم يا خرا

مش هانام مع واحده ما بحبهاش .. خلصنا بقا وكفايه خرا يا عالم يا خرا

دين

ياريت المسلمين والمسيحيين ما يتكلموش عن التفرقه الدينيه .. تفرقه دينيه ايه يا مواكيس مانتوا الاتنين طلعان دينكوا

عالم وسخه

سهل اوي اعمل ايه

اكتب بوستات ونوتس كلها تريقه على رموز دينيه وعلى المسلمين واي حاجه تخص الدين واللي يختلف معايا اجيب واحد ونعد نتريق عليه انا وهو ونعد نسقم بالكلام مع بعض

على اي بني ادم مختلف معانا

ونقوله يا متخلف

ياللي من العالم التالت

احنا اللي جبنا التايهه واحنا اللي دهنا الهوا دوكو وانتوا من عصر قدماء المصريين

الصلاة خير من النوم

نور اللمبه

اللي بيتسرسب من الجامع

من درفة الشباك المتواربه

وصوت المؤذن المزعج

ورنة كافره من بنت مش عايز تكلمها

وتفكيرك في بكره

اللي مش عايز ييجي

والمخده اللي مالهاش ايدين تحضنك

كل ده بيأكدلك

ان .. الصلاة خير من النوم

لأ

ماتاخديهوش معاكي ع البحر

عشان البحر خلاص علّم عليكي

وعرف انتي هاتقوليله ايه

زي كل ولد وقفتيه هنا

وقولتيله

شايف البحر شو كبير ..

قد البحر ... بحبك

حيرت قلبي

اهداء الى صديقي اللي مش عارف يكلم واحده ويقولها انه بيحبها


حيرت قلبي معاك

حيرت قلبي معاك.. وأنا بداري واخبي

قل لي أعمل إيه وياك.. ولا أعمل إيه ويا قلبي

بدي اشكي لك من نار حبي.. بدي احكي لك ع اللي في قلبي

وأقولك ع اللي سهرني.. وأقولك ع اللي بكاني

وأصور لك ضنى روحي.. وعزة نفسي منعاني

تتصور

عنصرية البيض ضد السود في مصر بقت حاجه مقرفه وتخنق

خالصين

قررت ابيعلك كل همومي
واسرحلك شعرك اخر مره
وارقصلك تاني على نفس المزيكا
وعلى نفس خشبة المسرح
اخر مره بس
عشان تبقي تفتكري
انك مالكيش عندي حاجه
واني ابقا ردتلك كل جميل عملتيهولي

خلي عندك صوت

على طريقتي ... خلي عند اللي خلفوكوا دم وطلعوا بطاقه انتخابيه .. خلي عندك صوت . حتى لو كان ضعيف . حتى لو كنت هاتختار حد انت شايفه صح . والدنيا كلها شايفاه غلط .. بس ماينفعش ماتبقاش بني ادم يا صاحبي ..... روح طلع بطاقه انتخابيه ...روووووح طلع بطاقه انتخابيه ... مش هاقول تاني .. رووووح طلع بطاقه انتخابيه