كنت مره قولت اني مش عارف اذا كنت خسران ولا كسبان , وقلت كده لكل اصحابي - كلهم اتريقوا عليا - .واما قولتلك انتي كده قولتيلي قيس انت عندك ايه ....وجالك ايه وانت تعرف اذا كنت بتخسر ولا بتكسب
لتولما قعدت مع نفسي وقيست انا عندي ايه وجالي ايه او انا عندي ايه ووصلت لايه لقيت نفسي باخسر , باخسر أوي
أنا ماعنديش حاجه ..وماوصلتش لحاجه
وساعتها قولت لكل الناس اني باخسر وزعلان جدا ومش عارف اضحك - كلهم اتريقوا عليا - وانتي ضحكتي وسنانك البيضا دي بانت وقلتيلي خلاص شوف صوري وانت تضحك
روحت جري وفتحت الكمبيوتر وقعدت أقلب في صورك , لحظه مع لحظه حسيت اني برتاح أكتر .... لحد آخر صوره
قومت طبعتها بالبرنتر وقعدت اتفرج على تفاصيل وشك فيها ..صدقيني ده كان أول يوم ارتاح فيه من فتره طويله أوي
وبقيت كل ما اتعب أدخل ابص على صورك وارتاح , ولما كنا بنتقابل , كنت برتاح اكتر لاني كمان هاسمع صوتك
ودلوقت وانتي هنا ..أقدر أشوفك وأسمع صوتك كل أما أحب ..مابقتش باتعب أصلا
عارفه , دلوقت لما باقيس انا عندي ايه ووصلت لايه بلاقي المعادله اتغيرت
انا عندي ( انتي ) وبكده وصلت ل(كل حاجه ) ..انا دلوقت باكسب ..أكيد باكسب
5 comments:
لا يا زيكا
كده المعادله مش صح
انت دلوقتي عندك
(هي) وبكده وصلت( لحاجه)
انت كده بدأت تكسب
بس يا تري هتعمل ايه بالحاجه ديه
وهتقدر تملك كام حاجه
وازاي هتواجه كل حاجه
هاموت واعرف انت مين يا عم انونيموس
انت بجد ماعرفتنيش؟؟
I like :)) 7elwa awe and Anonymous is right, 3aref leh Coz (she) is part of u,but not u, when u get the whole u ( she) will at the end complete what u completed in urself :)
Good writing u need to make a website, I write too, but in English.
U have to look to the closest person u know,but u never thought of to know who is (he)or ( she) :).
Mabrouk for Egypt.
بجد انا مش عارفة اكتب ازاى صوت تسقيفى ده..بجد هااااايلة..
Post a Comment